Um 2500 manns heimsóttu Vatnaveröld um helgina og hafa aldrei fleiri gestir sótt laugina á einni helgi. Fjölmennasti hópurinn tengdist Nettómótinu í körfu, en öll börn fá frítt í laugina auk liðsstjóra og þá nýttu foreldrar sér að heimsækja laugina á milli leikja. Um 1300 manns komu á laugardeginum og 1200 á sunnudeginum.

Vegna framkvæmda við búningsklefa verður Laugardalslaug lokuð 8. og 9. mars.

Opnað verður aftur sunnudaginn 10. mars kl. 08:00 og þá gerist eftirfarandi.

• Afgreiðsla færist aftur í nýja hluta (Nýju afgreiðslu)
• Ný uppgerður klefi verður tímabundið kvennaklefi
• Karlaklefar færast í báða útiklefa
• Rafrænar skápalæsingar verða á kvennaböðum

Miðvikudaginn 13. febrúar er Breiðholtslaug og Árbæjarlaug lokuð vegna endurmenntunar starfsmanna.

Borgarráð samþykkti á fundi sínum 7. febrúar tillögu borgarstjóra þess efnis að hefja undirbúning við að koma upp líkamsræktarstöð við Breiðholtslaug.

Í greinargerð með tillögunni er m.a. vísað til fundar borgarráðs frá 26. júlí í fyrra þar sem samþykkt var tillaga um að auglýsa skyldi eftir samstarfsaðilum um uppbyggingu heilsuræktar á svæði Breiðholtslaugar við Austurberg, en engin líkamsræktarstöð er í Efra-Breiðholti. Slík uppbygging í tengslum við Breiðholtslaug hefur áður verið auglýst í kjallararými við Breiðholtslaug, svonefndum Undirheimum, en horfið var frá þeirri niðurstöðu þar sem húsnæðið þótti ekki henta.

Vesturbæjarlaug - Laugardalslaug - Breiðholtslaug - Ylströndin.

Frítt inn milli klukkan 18:00 og 24:00 á fjölmarga viðburði í sundlaugum Reykjavíkur á Vetrarhátíð Laugardaginn 9. febrúar.

Nánar á www.vetrarhatid.is