Vesturbæjarlaug

Sigrún - opnunartími

2012-01-15

Mér finnst að það ætti að vera opið til 22 alla daga amk á meðan Laugardalslaugin er í rúst. Ömurlegur troðningur þar. Einungis helmingur laugarinnar í notkun og óþrifnaður og slysahætta mikil. :Þ

Solveig Sveinbjörns - Tillaga um bætta útiklefa

2012-01-10

Gleðilegt árið og takk fyrir ávallt notalegar heimsóknir í laugina á liðnum árum. Mig langaði að athuga hvort það væri mikil kostnaður og þá möguleiki að setja sturtu nr 2 í útiklefann. Við erum þó nokkuð margar sem notum útiklefann hvernig sem viðrar og ef við erum nokkrar getur verið kalt að bíða eftir sturtunni! Einnig kæmi þeytivinda sér rosalega vel í útiklefanum. Með kærri kveðju Solveig

Sonja - Opnunartímar

2011-05-18

Finnst voða leiðinlegt að það sé búið að breyta opnunartímunum ! verður þetta svona framvegis ?

Sæl Sonja,

Kreppan kallar á þessar sparnaðaraðgerðir.

Vonandi fáum við að auka þjónustuna aftur þegar aðstæður batna.

Kveðja,
___________________________________
Hafliði Halldórsson
Forstöðumaður Vesturbæjarlaug

Kristín

2011-05-13

Góðan dag. Ég hef farið nokkuð reglulega í Vesturbæjarlaugina síðustu mánuði og finnst hún að mörgu leyti mjög fín laug.

Þó verð ég að viðurkenna að mér finnst hreinlæti í búningsklefa ansi ábótavant, og vil því koma þeirri ábendingu á framfæri hér. Salernin eru oftar en ekki frekar óaðlaðandi, auk þess sem plástrar, hárflyksur og annað þvíumlíkt er gjarnan að finna í litlu \"sápuhöldurunum\" sem eru innbyggðir í flísarnar.

Loks finnst mér að það mætti hengja upp skilti sem bæði fólk vinsamlegast um að raka sig ekki í sturtunum, svona eins og hangir uppi í mörgum sundlaugum. Um daginn voru m.a.s. tvær konur að raka af sér hár í sturtunni á sama tíma! Ekki mjög spennandi að mínu mati... ;)

Sæl Kristín

Næturþrif hjá ISS hættu um síðustu mánaðarmót og er starsfólkið alfarið með þrifi núna. Við fögnum ábendingum sem þessari og tökum á málinu.

Varðandi skiltið, þá þurfum við bara að láta útbúa skilti sem bannar rakstur.

Takk fyrir ábendingarnar!

Kveðja, Hafliði Forstm. VBL

Hafliði Halldórsson
Forstöðumaður Vesturbæjarlaug

Guðný

2011-04-27

hef tekið eftir því að það er fólk að synda með kennara einhver kvöld, hvaða aldur er það og kostar það eitthvað?

Sunddeild KR er með þessa tíma, skráning hjá þeim.
Halldór Christiansen er leiðbeinandi.

Kveðja,
___________________________________
Hafliði Halldórsson
Forstöðumaður Vesturbæjarlaug

Inga - Opnunartímar um páskana

2011-04-11

Hef verið að leita á netinu eftir opnunartímanum um páskana en kem ekki auga á það. Hvernig verður opið hjá ykkur?

Sæl Inga,
Við erum núna í því ferli að safna saman öllum upplýsingum um afgreiðslutíma um páskana og við erum einnig búin að senda beiðni á Vesturbæjarlaugina. Við munum svo birta yfirlit á forsíðunni okkar þegar allar upplýsingar eru til staðar.

Endilega kíktu aftur við eða skráðu þig á póstlistann okkar.
kv. sundlaugar.is

kaszana766@wp.pl - Borga sér fyrir sauna?

2011-01-25

Tilboð sund+sundskyli+handklæði 1.000
tilboð sauna+sundskyli+handklæði 1100. Er ég að misskilja á maður að borga sér fyrir sauna og það er dyrara en að fara í sund? Og semsagt sauna er ekki innifalin í verði fyrir sund?

í Vesturbæjarlaug og Breiðholtslaug eru saunaklefar sem greitt er sérstaklega í auk þess að fá aðgang að sundlaug. á útisvæði er aftur á móti eimbað sem er innifalið í verði sundferðar.
kv. Vesturbæjarlaug

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

Flöskuskeyti Póstlisti

Síðustu athugasemdir

Hæsta meðaleinkunn

Síðast breytt

Mest skoðað